””

Chapter:8 How do Organisms Reproduce? | जिबफोरा माबोरै आजायो?

खोन्दो – 8
जिबफोरा माबोरै आजायो?

How do Organisms Reproduce class 10 science Bodo
How do Organisms Reproduce class 10 science Bodo

सोंनाय – फरा बिजाबनि, पेज: 128

1. आजायनायाव DNA नमुना दानायनि गोनांथिया मा?

फिन : मोनसे जिबख्रिनि जिबख्रि मिरुनि फोलेरारि आखुथाइ थानाय क्र’म’जमफोरा DNA गुन्द्रामाफोरनि महराव बिमा-बिफानिफ्राय उननि जोलैसिम खौरां गोसारहोयो।जिबख्रिमिरुनि DNA आ प्रटिनफोर दानायनि थाखाय खौरांनि फुंखा। जुदि खौराङा सोलायो गुबुनगुबुन प्रटिनफोरा बानायजायो। गुबुन गुबुन प्रटिनफोरा जोबथियाव देहानि बुमिनफोरखौ सोलाय होयो। बेनिखायनो आजायनायाव मोनसे गुदि जाथाइया जादों मोनसे DNA नमुना सोरजिनाय।

2. रोखोमा हारिसानि थाखाय खाबुगोनां नाथाय एखुथा जिबनि थाखायगोनांथि नङा मानो?

फिन : आजायग्रा जिबफोरनि मोनसे जिब ज’थाइया मोनसे थि थांना थाथाव जायगायाव खाब जायो आरो जुदि थांना थाथाव जायगाया गोब्राबै सोलायो, जिब ज’थाइया जोबस्रांलांनो हागौ। जुदि खायफा रोखोम सोलायनायफोरा बेफोर जिब-ज’थाइफोरनि माखासे एखुथा जिबफोरनियाव थायो, बेसोरनि थांना थानायनि थाखाय माखासे खाबु जायो। बिदिन्थि बादियै, दुङा-सुवा दैयाव बेक्टेरियानि सानखोआ थांनानै दं आरो जुदि मुंलुगनां दुंखांबोनायनि दारै दैनि दुंथाइया बांबोयो गोबांसिन बेकटेरियाया थैनो हागौ, नाथाय माखासे रोखोमफोरा बिदुंखौ हेंथा होनो हायोब्ला थांना थागोन आरो बारायबोगोन। बेखायनो रोखोमा गोबाव सम हारिसाफोरनि थांना थानायनि थाखाय बाहायजाथाव।

सोंनाय – फरा बिजाबनिपेज: 133

1. बांसोखावनायनिफ्राय नै सोखावनायखौ माबोरै फाराग दिन्थिनो?

फिन : नै-सोखावनायाव मोनसे बिमा जिबख्रिआ मोननै साजो जिबख्रिआव गावस्रायोगुबुन फारसेथिं बां सोखावनायाव मोनसे बिमा जिबख्रिआ गोबां साजो जिबख्रिआव गावस्रायो।एमिबा, इष्ट बाइदिया नै-सोखावग्रा आरो मेलेरिया बियाद बाइदिया बां-सोखावग्रा।

2. हायनागुन्द्रानिगेजेरजों आजायोब्ला मासे जिबा माबोरै खाबुजागोन?

फिन :हायना गुन्द्राफोरा रोजा इनजुरजों दाजानाय। जेब्लासिम बारायनायनि थाखाय बानजायथाव थासारियाव फैया अब्लासिम हायना गुन्द्राया बे रोजा इनजुरजों रैखाथि होजायो। बेनिफ्राय मोजां बानजायथाव थासारि मोनब्ला बारायो।

3. जाहोन हो मानो जेथोगोनां जिबफोरा फिनउजिनायनि गेजेरजों गोदान एखुथा जिब जोनोम होनो हाया।

फिन : जेथो गोनां जिबफोरा फिनउजिनाय मावखान्थिजों एखुथा जिब सोमजिहोनो हाया। बेनि जाहोना जादों सोलेरनि माखासे बाहागोफोरा जुनियायै मोनफा थि खामानि मावनो थाखाय दाजानाय। बेखायनो मोनसे बाहागोआखोन्दो खालामजायोब्ला बेयो एखुथायै जेबो खामानि गोयै जायो।

4. माखासे रोखोमनि लाइफां बारायनायनि थाखाय मानो मोदोमारिआजायनायखौ सरखालामनाय जायो?

फिन : माखासे रोखोम लाइफांनि बारायनो थाखाय मोदोमारि आजायनाय सर’ खालामनाय जाहोना-

(i) बियो बेगर गोयै लाइफां आजायनायनि मोनसे मावखान्थि।

(ii) जोबोत खम समनि गेजेरावनो आबु लाइफां मोनो।

(iii) बियो बारायनायनि थाखाय मोनसे गुसुं मावखान्थि।

(iv) बियो गोरलै आरो खम खरसाजोंनो बेसेन गोसा लाइफां मोननो हानाय मावखान्थि।

5. DNA नमुना दानाया आजायनाय बिखान्थिनि गोनांथार बाहागो मानो?

फिन :DNA आ जाबाय मोनसे जिनआरि बेसाद जायफोरा प्रटिन दानायनि खौरांनि फुंखा। जुदि खौरांआ सोलायो गुबुन गुबुन प्रटिनफोरा बानायजायो। गुबुन गुबुन प्रटिनफोरा जोबथियाव देहानि बुमिनफोरखौ सोलायहोयो। बेखायनो आजायनायाव DNA नमुना दानाया गोनांथार बाहागो।

सोंनाय – फरा बिजाबनिपेज: 140

1.हायना नांनाय आरो गोगोजानायनि फारागखौ माबोरै दिन्थिगोन?

फिन : एखे हारिसानि लाइफां बिबारनि हायना गुन्द्राया जोला खानायनिफ्राय गोरबोलाइसिम बारस्लायनायानो जाबाय हायना नांनाय।

गोगो जानाया जाबाय गोरोब जिबख्रि (Zygotic) सोमजिहोनो जोला आजाय जिबख्रिआ बिदैजों जाबथुमनाय।

2.लादिखआरो प्रस्टेट बिथोबनि बिफावआ मा?

फिन : लादिख’ (seminal vesicle) आ फिस्ला बिलाव सोमजिहोयो। बियोलादिथांग्रा लामाखौ फिस्ला खालामो। बे बिलावआ एसिडारि जानायनिफ्रायबो रैखाथि होयो।एसिडा सरासनस्रायै हासुदै नाला आरो हिनजावनि आजाय आंगोआव थायो।

प्रस्टेट बिथोबा प्रस्टेटआरि बिलाव सोमजिहोयो जायफोरखौ हासुदै नालायावउदां खालामो। आथोनारि गेलेनाय समाव मोदोम गेहेननि थनथ्र’नाय आरोथाथाइफिनग्रा (elastic) बिदामनि जाहोनाव बे बिलावआ गोबां सोमजियो।

3.जौमोन बैसोनि समाव हिनजावसाफोरनियाव मा मा सोलायनायखौनुनाय जायो?

फिन : जौमोन बैसोनि समाव हिनजावसाफोरनिआव आहार बासानि महरा गेदेर जानाय, आहार बासानि बिजौ फिथौनि बिगुरा गेदेर जानाय, सावगुसु (menstruate) जानाय, आरो आजायग्रा अंगनि सेर सेराव रोजा खोमोन रज’नाय नुनो मोनो।

4.बिमानि देहा सिडाव गोरबो मादा (embryo) या माबोरै आदार(nourishment) खौ मोनो?

फिन : गोरबो मादाया फुल मुंनि जुनिया बिदामनि हेफाजाबजों बिमानि थैनिफ्राय सुफुंसारनाय मोनो। मादानि फारसेनि बिदामाव भिलाइ थायो। बिमानि फारसे बाहागोआव थैनि खथा (spaces) फोर थायो, ज़ाय भिलाइजों साग्लोबना दं। बेयो बिमानिफ्राय मादासिम ग्लुकज आरो अक्सिजेन बारलांहोनो थाखाय मोनसे गेदेर सा बिखुंदब्लाइथि जगायना होयो। जौगाबोनाय मादाया नाङि मुवाफोर सोमजिहोयो आरो बेखौ बिमानि थैसिम दैथाय हरनानै फुलनि गेजेरजों जानगार होनो हायो।

5.जुदि सासे हिनजावआ मोनसे कपार-टि (Copper-T) खौ बाहायोबेयो बिनि आथोनजों बारस्लायनाय बेरामफोरखौ होबथानायाव

हेफाजाब मोनगोन ना?

फिन :कपार-टिबाहायनायआ गोरबोआव थानायखौ होबथाग्रा मोनसे आदब। बियो सासे हिनजावखौ आथोनजों जानाय बेरामनिफ्राय जेबो रैखाथि होआ।

सोंथिबिदांफरा बिजाबनिपेज: 141

1.गाहायनि बबेयाव मेगन ओंखारनायनि गेजेरजों आथोनरि नङिआजायनाया जायो?

(a) एमिबा (b) इष्ट(c) प्लाजमडियाम(d) लिसमेनिया

फिन :(b) इष्ट

2. गाहायनि बबेआ मानसिनि जो आजायग्रा बिखान्थिनि बाहागो नडा?

(a) बिदै(b) फिसाख‘ (c) लादि नाला(d) फेलपियान नाला

फिन : (c) लादि नाला

3. हायना खरआव थायो

(a) बिखं (b) बिदैख्रि (c) गोरबोलाइ(d) हायना गुन्द्रा।

फिनः (d) हायना गुन्द्रा

4. आथोनारि नङिआजायनायनिख्रुइ आथोनारि आजायनायनि गोबांसिनखाबुफोरा मा मा?

फिन : आथोनारि आजायनाय समाव मोननै गुबुन गुबुन एखुथा जिबख्रिनिDNA – गोरोबलायो। आथोनारि आजायनाया एखे बिमा बिफानिफ्राय उन जोलैनो रोखोमजाहोयो आरो गोदान जथाइनि आखु सोमजिहोनायाव मदत खालामो। आथोनारि नङि आजायनायाव इसेल रोखोम सोलायनाय नुयो। आथोनारि नङि आजायनायाव – हारिसा फारि जौगानायनि खमसिन खाबु नुनो मोनो।

5. मानसिनि बेगरजों मा मा हाबा मावफुंजायो?

फिन :मानसिनि बेगरा लादि सोमजिहोग्रा मोनसे जायगा। बेनि अनगायै हरमन आरो टेष्ट’ष्टे’रननि जिरिनायाव बेगरनि बिफाव थायो। टेष्ट’ष्टे’रनआ जौमोन बैसोआव गथ’ फोरनि महर नुथाइखौ सोलायहोयो।

6. साउगुसुवामानो जायो?

फिन :बिदैआ जेब्ला गोगो जाया अब्ला फिसाख’ थोरफोआ लासैयै बायस्रायो आरोथै आरो बिज्ला महरै जो आथोन अंगनि गेजेरजों ओंखारबोयो। बे गिदिंखनआ दानफ्रोमबो साननैनिफ्राय दाइन साननि थाखाय जायो। बेबादिनो सावगुसुआ जायो।

7. बारसे बिबारनि लांउग’आरि (Longitudinal) हाखावनाय सावगानिमोनसे आखिना सिनायथि हो।

फिन :

How do Organisms Reproduce class 10 in Bodo
How do Organisms Reproduce class 10 in Bodo

8. गोरबोआव थानायखौ होबथानायनि गुबुन गुबुन आदबफोरा मा मा?

फिन : गोरबोआव थानायखौ होबथानायनि गुबुन गुबुन आदबफोरा जाबाय :

(i) जुन्थियारि हेंथा :- कण्डम बाहायनाय।

(ii) रासायनारि हेंथा :- पिल जानाय।

(iii) कपार-टि (Cupper-T) सोनाय।

(iv) साव हाखावआरि आदब।

9. से जिबख्रियारि आरो बांजिबख्रियारि जिबनि गेजेराव आजायनायनिफारागफोरा मा मा?

फिन : से जिबख्रिआरि जिबनि थाखाय जिबख्रि गावसानाय एबा सोखावनाया, गोदान एखुथा जिब सोमजिहोयो। बिसोरनि देहाया जायखि जाया समान थालायाव बायस्राना समानै मोननै जिबख्रिआव रानजायो। बिदिन्थि हिसाबै एमिबाया बेबादि गावस्रायो। गुबुन से जिबख्रिआरि जैरै मेलेरिया बियाद, प्लाजमडियाम बाइदिया बायस्राना गोबां साजो जिबख्रि सोमजिहोयो। इष्टफोरा नाथाय उन्दै मेगनफोरओंखारहोना आलादा जाना बारायो।

बां जिबख्रियारि जिबफोरनि गेजेराव आजायनाया फिन उजिनाय, खोन्दो खालामनाय, आथोनारि आजायनाय बायदिजों जायो।

(i) फिन उजिनाय : माबेबा एखुथा जिबआ गोबां खोन्दोआव बायस’यो अब्ला गोबां खोन्दोफोरानो आलादा एखुथा जिब महरै देरबोयो। बिदिन्थि- हाइड्रा।

(ii) खोन्दो खालामनाय : खायसे जिबनि बैसो रानाय बाहागोआ उन्दै उन्दै गज’आव बायफ्लेयो। बेफोर गज’फोरा एबा खोन्दोफोरा गोदान एखुथा जिब महरै बारायो। बिदिन्थि – स्पाइरगाइरा।

(iii) आथोनारि आजायनाय : बेयाव जो आरो जोला आजाय जिबख्रिआ जाबथुमना गोरोब जिबख्रि (Zygotic) सोमजियो।

10. हारिसानि जिब जथाइ दिदोमथि जगायनायाव आजायनाया माबोरैहेफाजाब होयो?

फिन :आजायनाया जिब जथाइया रोखोम लाबोयो जाय जिब जथाइया थि थांना थाथाव जायगाखौ बाहायनो हायो। आजायनाय मोनसे एखुथा जिबनि नमुना सोमजिहोयो जाय मोनफा थि आबहावायाव गोरोबनो हायो।

11.गोरबोआव थानायखौ होबथानाय आदबखौ आजावनायनि जाहोनफोरामा मा जानो हागौ?

फिन : जोंनि हादोताव सुबुं अनजिमाया बोसोरफ्रोमबो बांगासिनो दं। बेयो मिथिंगायारि धोन आरो हादोतनि रांखान्थियारि बिथिंआव गोहोम खोख्लैयो। गोरबोआव थानायखौ होबथानाय आदबा गोसो गोयै गोरबोआव थानायखौ होबथायो। खायसे गोरबोआव थानायखौ होबथानाय आदब गाहायै कण्डम बाहायनाय आदबा आथोनजों जानाय बेरामफोर आरो एइडेस बाइदि बेरामफोरनिफ्राय रैखाथि होयो।.

खोन्दो -1 रासायनारि फिनजाथाय आरो समानथाय

खोन्दो -2 एसिड, खारदै आरो संख्रि

खोन्दो -3,धातु आरो धातुनङिफोर

खोन्दो -4 कार्बन आरो बेनि खौसेमुवाफोर

खोन्दो -5 गुदिमुवाफोरनि आन्थोरारि थाखोराननाय

खोन्दो– 6 जिउबिखान्थि

Science Class 10 Chapter-8 Video Tutorials in Bodo Medium Coming soon…

Recent Articles

SVAYEM Scheme Assam 2020 – Eligibility Criteria & Application Form

Swami Vivekananda Assam Youth Empowerment (SVAYEM) Yojana announced by the Hon’ble Finance Minister of Assam in his budget speech on...

Assam Orunodoi Scheme Apply– Arunodoi Scheme Eligibility, Application Form

Assam Arunodoi Scheme 2020 @ finance.assam.gov.in | Orunodoi Financial Assistance, Eligibility: Arunodoi Scheme or Orunodoi Scheme is an upcoming scheme under...
Chapter:8 How do Organisms Reproduce? | जिबफोरा माबोरै आजायो?

Related Stories

Leave A Reply

Please enter your comment!
Please enter your name here

Stay on op - Ge the daily news in your inbox