Chapter:11 The Human Eye and The Colorful World | मानसिनि मेगन आरो रंगिना-संगिना बुहुम

Chapter:11 The Human Eye and The Colorful World | मानसिनि मेगन आरो रंगिना-संगिना बुहुम
The Human Eye and The Colorful World Class10 Science in Bodo

The Human Eye and The Colorful World Class10 Science in Bodo Solution

सोंनाय – फरा बिजाबनि, पेज: 190

1. मेगननि गोरोबहोनाय गोहो माखौ बुङो?

फिन: मेगना गोजान एबा खाथिनि मुवानि सोरां रोदाफोरखौ थियै रेटिनायाव फकास खालामनो थाखाय बिनि गोहोखौ सोलाय सोल’ खालामनाय गोहोखौनो मेगननि गोरोबहोनाय गोहो बुङो |

2. सासे मानसिया थाइसे खाथि नुथाइनि मेगनजों 1.2 m नि जानसिनाव थानाय मुवाखौ रोखायै नुनो हाया। थि नुथाइखौ लाबोफिननो मा रोखोमनि फाहामग्रा लेन्सखौ बाहायनांगोन?

फिन:  थि नुथाइखौ लाबोफिननो थाखाय उदां मोखां एबा खरलेब लेन्स बाहायनांगोन |

3. मानसिनि मेगननि सरासनस्रा नुथाइजों गोजान बिन्दो आरो खाथि बिन्दोआ मा?

फिन: सरासनस्रा नुथाइजों गोजान बिन्दोआ सिमा गोयै आरो खाथि बिन्दोआ 25 से.मि. |

4. सासे फरायसाया जोबथा लारियाव जिरायना ब्लेक बर्डआव लिरनायखौ फरायनो गोब्राब मोनो बे गथ’आ मा गोरोन्थियाव गोग्लैनाय जानो हागौ? बेखौ माबोरै फाहामनो हागोन ?

फिन: फरायसाया माय’पिया एबा खाथि नुथाइ गोरोन्थियाव गोग्लैनाय जागोन। बेखौ खरलेब लेन्स बाहायना फाहामनो हागोन।

सोंथिबिदां फरा बिजाबनि, पेज: 197,198

1. मानसिनि मेगना मेगननि लेन्सनि फ’कास जानथाइखौ गोरोबहोना गुबुन गुबुन जानथाइयाव मुवाफोरखौ फ’कास खालामनो हायो। बेयो गाहायाव होनाय बबे मोनसेनि थाखाय जायो।

(a) प्रेसबाय’पिया (b) गोरोबहोनाय (c) खाथि नुथाइ (d) गोजान नुथाइ

फिन: (b) गोरोबहोनाय

2. मानसिनि मेगना मोनसे नोजोर मुवानि सायखं सोमजि होयो बेनि –

(a) कर्णियायाव (b) इरिसआव (c) पिउपिलाव (d) रेटिनायाव

फिनः (d) रेटिनायाव

3. सरासनम्रा नुथाइ गोनां सासे सेंग्रा एबा सिख्ला बैसोनि रोखा नुथाइनि खमसिन जानथाइआ –

(a) 25 m फ्राम (b) 2.5 cm फ्राम (c) 25 cm फ्राम (d) 2.5 m फ्राम

फिनः (c) 25 cm फ्राम

4. थाइसे मेगननि फ’कास जानथाइनि सोलायनाया गाहायाव होनाय बबे मोनसेनि थाखाय जायो?

(a) पिउपिल (b) रेटिना (c) चिलियारि गेहेन (d) इरिस

फिन: (c) चिलियारि गेहेन

5. सासे सुबुंआ गावनि गोजानाव नुनायखौ थि खालामनो थाखाय -5.5 डाइअप्टार गोहो थानाय गंसे लेन्स नांगौ । बिनि खाथि नुनाय (खाथियाव नायनाय ) खौ थि खालामनो +1.5 डाइअप्टार गोहोनि लेन्स नांगौ। (i) गोजानाव नुनाय आरो (ii) खाथियाव नुनायखौ फाहामनो नांनाय लेन्सफोरनि फ कास जानथाइफोरा मा?

फिन:

(i) गोजानाव नुनायखौ फाहामनो नांनाय लेन्सनि गोहो, P1 = -5.5 D

बेखायनो बे लेन्सनि फकास जानथाइ f1 = 1/P1 = 1/(-5.5) = -18.73 से.मि.

(ii) खाथियाव नुनाय गोहोखौ गिबि लेन्स -5.5 D नि लोब्बायावसो सुनाय जायो। बेखायनो, जों बाहायो-

P1 + P2 = P एबा

-5.5 D + P2 = +1.5 D

P2 = +1.5 D + 5.5 D = +7 D

बेखायनो बे बाहागोनि फकास जानथाइ, f2 = 1/P2 = 1/(+7) = +14.2 से.मि.

6. सासे माय’पिया (खाथि नुथाइ) थानाय सुबुंनि मेगननि सिगाङाव गोजान बिन्दोआ 80 से.मि.। बे जेंनाखौ सुस्रांनो थाखाय नांनाय लेन्सनि आखुथाइ आरो गोहोआ मा?

फिन: सोखाग्रा लेन्सआ सिमा गोयै गोजानाव थानाय मुवाखौ दानांगोन।

बेखायनो, सिमा गोयैआव थानाय मुवानि थाखै, u = -∞

गोरोन्थि गोनां मेगननि गोजान बिन्दोनि जानथाय, V = -80 से:मिः

लेन्सनि फरमुला बाहायनानै, 1/f = 1/v – 1/u

1/f = 1/(-80) -1/(-∞)

1/f = -1/80 + 0

1/f = -1/80

f = -80 से:मिः = -0.8 मि.

बेखायनो, गोहो P = 1/f = 1/(-0.8) = -1.25 D

गोरोन्थि सोखाग्रा लेन्सआ दानख’थाइ गोहोनि | बेखायनो लेन्सआ खरलेब लेन्स।

7. हाइपारमेट्रपिया (गोजान नुथाइ) खौ माबोरै फाहामनाय जायो बेखौ दिन्थिनो मोनसे सावगारि आखि। हाइपारमेट्रपिया (गोजान नुथाइ) मेगननि खाथि बिन्दोआ 1 मिः। बे गोरोन्थिखौ होखारनो थाखाय मा गोहोनि लेन्स बाहायनांगोन? हमना ला सरासनस्रा मेगननि खाथि बिन्दोआ 25 से:मिः।

फिन: खंसा लेन्सआ N’ निफ्राय फैनाय सोरांखौ नांजाब मोखां खालामो। मेगननि गोरोन्थि होखारग्रा लेन्सनिफ्राय 25 से.मि. आव मुवाखौ दोनोब्ला 1 m एबा 100 से.मि. आव उल्था सायखं नुजागोन।

u = -25 से.मि., v = -100 से.मि.

Chapter:11 The Human Eye and The Colorful World | मानसिनि मेगन आरो रंगिना-संगिना बुहुम

लेन्सनि फरमुला बाहायनानै, 1/f = 1/v – 1/u

1/f = 1/(-100) – 1/(-25)

1/f = -1/100 + 1/25

1/f = + 3/100

f = + 100/3 से.मि.

f = + (100/3)/100 मि.

f = +100/300 मि.

f = +1/3 मि.

बेखायनो, गोहो P = 1/f = 1/(1/3) = +3 D

8. 25 से:मि: निख्रुइ खाथिसिनाव दोननाय मुवाखौ मानो मोजां मेगना रोखायै नुनो मोना ?

फिन: 25 से.मि. निख्रुइ खमसिन जानथाइयाव थानाय मुवाफोरखौ नायब्ला रोखायै नुयैनि जाहोना जाबाय बे जानथाइयाव (25 से:मि: नि खम) नायब्ला चिलियारि गेहेनफोरा थनथ्रना लेन्सखौ बांद्राय दबहोनो हाया। जाहोनाव सायखंआ रेटिनायाव सोमजिया आरो रोखायै नुनो मोना।

9. जेब्ला जों मेगननिफ्राय नोजोर मुवानि जानथाइखौ बारायना होयो अब्ला सायखं जानथाइआव मा सोलायनाय जागोन ?

फिन: मेगननिफ्राय नोजोर मुवानि जानथाइखौ बारायना होब्लाबो, चिलियारि मोदोम गेहेननि जाथाइनि थाखै मेगन लेन्सनि फकास जानथाया थियै सोलायगोन आरो मुवानि सायखंआ फकासावनो सोमजिगोन आरो मुवाखौ समानैनो नुगोन ।

10. हाथरखिफोरखौ मानो रिथि-रिथा नुयो ?

फिन: जों नायनाय हाथरखिनि नंखाय थावनिया बेनि गुबै थावनिनि एसे फाराग जायो बारमण्डलाव हाथरखिनिफ्राय फैनाय सोरांनि रिफिखननाय जाहोनाव हाथरखिनि बे नंखाय थावनिया दिदोम नङा, एसे सोलायबाय थायो जाहोना जाबाय बहुमनि बारमण्डलनि महरारि थाथाइया दिदोम नङा । बेखायनो हाथरखिनिफ्राय फैनाय सोरां रोदानि लामाया सोलायबाय थानायलाय हाथरखिनि नंखाय थावनिया सोलायबाय थायो आरो मेगनाव नांफैनाय हाथरखिनि सोराङा खम बारा जाबाय थायो जायनि जाहोनाव हाथरखिखौ रिथि-रिथा नुयो।

11. ग्रह’फोरा मानो रिथि-रिथा नङा?

फिन: ग्रहफोरा बुहुमनि जोबोद खाथिथाराव दं। बेफोरनिफ्राय मोननाय सोरांनि बिबाङा जोबोद गेदेर आरो बारमण्डलाव रिफिखननाय जाहोनाव सोरांनि खम बारा जानाया, जों मोननाय सोरांनि बिबांनि रुजुनायाव जोबोद खम। बेखायनो ग्रहफोरा रिथि-रिथा नङा।

12. फुनि सिगांनि समाव सानखौ मानो जारोम नुयो?

फिनः फुंनि सोरांनि समाव सानआ अख्रां आरो बुहुम नांजाबनाय हांखोआव थायो। साननि सोराङा बुहुमनि बारमण्डलाव बारनि रोजासिन थोरफो आरो बांसिन जानथाइनि गेजेरजों बारबोयो। बेखायनो गुसुं गुथालजाननि नीला बाहागोआ बारनि सेरेबफोरजों गोसारगार होजायो। गोलाव गुथालजाननि गोजा बाहागो गुथाला खमै गोसारहोजायो आरो जोंनि मेगनाव नांफैयो। बेखायनो सानखौ फुंनि सोराङाव गोजा नुयो।

13. अख्रां जाहाजआव थांनाय सासे सुबुंआ अख्रांखौ नीला नुनायनि अनगायै मानो खोमसि नुयो?

फिनः बुहुम बिखुंनि जोबोद गोजौआव बारमण्डलआ जोबोद गोबा। बेवहाय फ्राय सानसोरांनि गोसारनाय जाफ्रामा। बेखायनो अख्रां जाहाजाव थानाय सुबुंआ अख्रांखौ खोमसि नुयो।

खोन्दो -1 रासायनारि फिनजाथाय आरो समानथाय

खोन्दो -2 एसिड, खारदै आरो संख्रि

खोन्दो -3,धातु आरो धातुनङिफोर

खोन्दो -4 कार्बन आरो बेनि खौसेमुवाफोर

खोन्दो -5 गुदिमुवाफोरनि आन्थोरारि थाखोराननाय

खोन्दो– 6 जिउबिखान्थि

खोन्दो – 9 फोलेरफारि आरो फारिजौगानाय

खोन्दो – 10 सोरां-रिफिनाय आरो रिफिखननाय

खोन्दो – 11 मानसिनि मेगन आरो रंगिना-संगिना बुहुम

Class 10 Science Chapter -11 Video Tutorials in Bodo Medium

For NCERT E Books : Click Here

Leave a Reply